Педагог уақыттың құндылығын түсініп, оны тұрақты пайдаланудың тиімді әдісін табуы керек, бұл технология өз бетінше үйренуге, мақсаттар мен міндеттердің басымдықтарын анықтауға көмектеседі.
Осы орайда Ақтөбе облысы бойынша «Өрлеу» филиалы және Ақтөбе облыстық ғылыми-тәжірибелік орталығы бірлесе «Заманауи педагогтың тайм-менеджменті» тақырыбында облыс педагогтерінің қатысуымен семинар ұйымдастырды.
Семинарға орталық директоры М.Ш.Жамаладин, оқу ісі жөніндегі орынбасары Г.Кызылова, тәрбие ісі жөніндегі орынбасары С.Б.Умирзакова қатысты.
Облыстық ғылыми-тәжірибелік орталығының әдіскері Медеухан Жасжанова уақытты тиімді ұйымдастыруға арналған тренингтер өткізіп, практика жүзінде кері байланыс алды. Мектептің оқу-тәрбие үрдісінде тайм-менеджментпен жұмыс істеу тиімді екені түсіндірілді. Оның ішінде ең тиімді технологиялардың бірі — «Эйзенхауэр матрицасына» баса назар аударылды.
Тайм-менеджмент мұғалімдерге бөгде мәселелерге алаңдамай, барлық маңызды және қажетті нәрселерден қалмау үшін жұмыс күнін тиімді ұйымдастыруға мүмкіндік берері сөзсіз.